頂拜四聽別人的報告，看著學姊報告蘭大衛佮伊的妻子連瑪玉的仁慈事蹟，連瑪玉願意用伊家己的皮予皮膚潰爛的囡仔做手術，蘭大衛嘛真費心的研究欲按怎予手術成功，經過幾若擺的手術，彼个囡仔才慢慢仔恢復健康，若毋是有in，彼个囡仔以後就干焦賰一隻腳，連瑪玉的犧牲佮奉獻的精神予人真感動，嘛予我真實的感受著，傳教士帶來的毋干焦是宗教，閣有真濟予咱的生活過甲較好的代誌。
我這禮拜看了一本繪本，冊內底的主角受著白色恐怖的迫害，佇綠島待了十五年，佇遐的生活真艱苦，支撐伊的是遠佇台灣的親人的關懷，當伊轉來離開十五年的台灣的時，陌生的景色予伊感受著離開予伊錯失真濟物件的悲哀。當伊看著年老的阿爸佮阿母、已經成家的弟妹的時，in激動、顫抖的擁抱，伊的小姪女拉起伊送予伊的小提琴，歡喜伊的轉來，這个畫面真感人，伊失去的歲月親像予囡仔清澈的樂音坉甲滿滿的，心內底的傷痕嘛因為親人毋放棄的關愛開始慢慢仔收束。
我這禮拜看了一本繪本，冊內底的主角受著白色恐怖的迫害，佇綠島待了十五年，佇遐的生活真艱苦，支撐伊的是遠佇台灣的親人的關懷，當伊轉來離開十五年的台灣的時，陌生的景色予伊感受著離開予伊錯失真濟物件的悲哀。當伊看著年老的阿爸佮阿母、已經成家的弟妹的時，in激動、顫抖的擁抱，伊的小姪女拉起伊送予伊的小提琴，歡喜伊的轉來，這个畫面真感人，伊失去的歲月親像予囡仔清澈的樂音坉甲滿滿的，心內底的傷痕嘛因為親人毋放棄的關愛開始慢慢仔收束。
全站熱搜
留言列表
