close
今仔日因為傳統戲曲愛實習，著去大肚萬興宮看小金枝歌仔戲，因為之前美雀老師已經𤆬阮拜訪過啊，所以感覺有一寡仔無聊，而且萬興宮離火車站實在誠遠加上天氣誠熱，行到心情誠䆀，到７點半的時，神轎轉來啊！一直放炮，炮攏烏白飛，阮攏感覺會去予炸著，一直覕，聽講大甲媽繞境的時會愈恐怖，聽到這我著無想欲去行，而且愛行８工，可能會昏倒佇半路，我已經準備欲去病院申請病單啊！
下晡厝主講有請人欲施工愛經過我的房間，害我上課攏袂當專心，煩惱房間會出啥物代誌無？果然我一轉去，我的房間著出現幾隻蠓，實在誠無歡喜，以早連一隻攏毋捌看過，我誠懷疑伊講施工愛經過我的窗仔，毋過窗仔外口樓跤著有們會當出去啊？
全站熱搜
留言列表
