close
今年的五月二十五是雲林虎尾的六房媽過爐的日子，佇這个時間的幾阿禮拜前，阮一陣人接到盡前佇行大甲媽的時陣對阮真好的大哥的電話，伊講：「阿彼工欲來鬥相共無？」阮看著彼工的時間佮阮排好的行程表，想講嘛無啥代誌就答應去共伊鬥相共。
主要是幫忙in煠番麥佮刣西瓜，看著陣頭隊伍就提予in食，順紲看陣頭的表演。就按呢一直無閒到下晡，共番麥分完了後，逐家就開始食物件、歇睏，因為六房媽差不多愛等到五六點才會經過阮的所在，所以阮就開始想遊戲來排解無聊，一直耍到差不多五點偌就開始聽著炮仔聲，重點是阮看著真濟轎過去阿，就是等無六房媽的轎，最後是聽著有人講就是後壁彼个，阮就開始準備翕相，一陣無閒過去，阮才靜落來看六房媽的隊伍，這工真正是真鬧熱的一工。
全站熱搜
留言列表
