Hongtin Tsok-gia̍p bāng

        位一年仔到現在四年仔，我攏有抽到宿舍，真歡喜有三位真好的朋友，唐唐、清鴻、抑擱有閔綜，in攏會予我真大的幫忙。做功課的時陣，唐唐攏親像一隻死魚，抑毋擱伊是一個真趣味的人。清鴻恰閔綜兩個人真認真，不時考試攏考真好，我真欣羨in，所以我嘛真真認真讀冊。

　　
        因為我真恰意歙相片，我時常會四界揣宿舍的所在，有光的所在，會使「家已歙相」的所在，偷偷仔做一個紀念。囥ti網路頂面，家已嘛會感覺家已真恰意這個宿舍。

　　
        有愈來愈躋人離開宿舍，有的去做兵，有的搬出去，有的無繼續讀書，想起一年仔的時陣，逐家真歡喜鬥陣出去四界耍，有時仔有人生日仔，逐家會買雞蛋糕予伊，擱替伊唱生日快樂歌，有時有人心情無好，阮會鬥陣哭，嘛會互相安慰。

　　
         時間過了真緊，四年當中我認識了足躋人，有家己系的，嘛有別的系的，in攏對我真好，時常揣我食飯，麻時常招我出去耍。位in的身上，我學到足躋物件，嘛予家己成長真躋。In逐家攏是我永遠的好朋友。

　　
         畢業的時陣真緊欲到了，真歡喜會使擱惦台中一段時間，雖然逐家攏愛離開仔，抑毋擱我嘛是真愛這個環境，恰意所有的人，所有的一切。台中實在是一個真美麗真美麗的天堂，希望逐家畢業了後，攏會記的這段快樂的宿舍生活。

修辭：類疊、譬喻、誇飾