close
這禮拜我去參加台語 ê 詩行大會，一開始我當作𣍐有誠濟人參加，毋過我去到遐煞驚著，佇教室內底人足濟，得欲kā教室坐滿，了後詩人大會開始，有廖主任佮何老師koh有一的叫做陳明仁 ê 先生主持，了後第一 ê peh-khì kā大家分享ê 詩人是阮系上三年 ê 學姊，佇伊分享 ê 內底有伊對爸母數念，因為讀冊 ê 關係離開故鄉離開爸母 ê 身軀邊，予我足感動 ê 因為我嘛是離開爸母出來讀冊，雖然阮兜無誠遠，毋過彼種心情，是出外人攏 ê 有 ê ，另外koh有一 ê 四年ē學長，伊實在是予我足佩服 ê ，伊 ê 詩是用七字仔方式寫 ê ，嘛予在場 ê 人感覺足sim-sek ê，學長講寫這種七字仔 ê 詩足無簡單，愛開足濟時間，毋過七字仔 ê 詩mā-m̄-sī有時間就寫 ê 出來 ê ，愛有感覺佮時間，毋過聽láiu我嘛想欲寫看覓 ê ，另外koh 有一寡仔前輩嘛有peh-khì 發表家己 ê 詩佮想法，我才發現，原來iā-ū 足濟人，遮爾關心台灣文學，實在是予我感覺足甘心 ê。
全站熱搜
留言列表
