close
頂禮拜我佮男朋友去台南tshit-thô，自從阮開始談戀愛到這馬其實足少出去外地約會，
因為伊佇新竹上班我佇台中讀冊逐擺見面無偌久就欲分開矣，這擺會當做伙去台南行行
心頭真正足期待。阮去到台南第一工已經是暗頭仔，先去花園夜市踅兩圈，食了足濟
正港的台南美食點心，臭豆腐、擔仔麵、蚵仔麵線、筒仔米糕、虱目魚湯……，
連我家己攏袂記得攏總食了偌濟物件。彼暗阮找了一間袂䆀的旅社，房間足大範氣派，
房間內閣有游泳池佮韆鞦，蹛一暗予人放足輕鬆爽快。第二工阮去安平老街行行，
買了一寡古早的tshit迌物仔予伊姪仔做禮物。這逝台南之旅雖然毋是真長
也留予我足充實佮甜蜜的回憶。
全站熱搜
留言列表
