close
這禮拜我轉去屏東做民間文學的作業，老師規定愛訪問三个人，我本來感覺應該真簡單，毋過開始訪問的時陣，我才知影真無簡單，大部份的人攏袂曉講民間故事，若無就是有聽過毋過聽無詳細，猶閣有的人會曉講但是毋願意講，有真濟的問題，嘛有人真熱心講予我聽，但是內容毋是我佮意的，毋過也是真感謝遐熱心的人。當我感覺愈來愈無信心的時陣，就拄著一个阿伯願意共我講伊細漢時的故事，關於潘姑娘廟的故事，非常的精采，有這个好彩頭了後，我就連紲訪問著其他兩个人啊，雖然這个作業真煩，毋過也予我學習欲按怎訪問人，以及欲按怎引導別人講出民間故事。
全站熱搜
留言列表
