close
到了學期尾，回想家己佇這學期，拄著真濟代誌，老實講，面對著每件代誌，不如講我真好運，一路上拄著無仝ê人，堅持行家己ê跤步，慢慢ê到現在；捌有怨氣、嘛有袂爽快，但是身上ê責任乎我前進。每一項事件攏是一個學習ê機會，更加是前進ê力量，
我甘願家己完成所有物件，嘛無愛做到一半放棄掉，人往往只看結果，毋去過問代誌ê經過，所以閣再怎樣thiám也著完成。我捌對拄著我ê人講過：毋通認為你是一個好人，我嘛毋是，佇這ê世界上，無絕對ê是非對錯，嘛無絕對ê旦夕禍福。
週記寫到遮，屬於我ê故事嘛寫到一個段落，看著前方，無閣躊躇回頭，祈望你會當佮我同齊，繼續譜完未完成ê樂章。
全站熱搜
留言列表
