Hongtin Tsok-gia̍p bāng

    頂禮拜二我有去聽宋少卿的演講，彼工，有真濟同學來聽伊的演講，猶未開始進前，外口就已經排隊排足長矣，因為我算是排佇真後壁，所以進入會場的時陣，已經無位，我干焦會當坐佇塗跤聽演講，雖然坐塗跤真不方便，毋過這攏無要緊，因為宋少卿的演講足精彩，伊用笑詼的方式來表達家己欲講的物件，因為按呢，予這个演講充滿逐家的笑聲，伊分享的道理、故事，有濟所在價值咱好好去思考、學習，伊有講到，「聽」是一个真重要的部分，做每一件代誌，愛聽別人的意見，上重要的是，愛聽家己心內的聲音，所以我感覺聽完這个演講了後，我吸收著真濟無仝的道理。

    這个禮拜二的暗時是歡送學長、學姊的活動，阮是表演跳舞，逐家為著這个表演，對幾若禮拜進前就開始準備，阮每一工的中晝攏咧練習，有時陣連暗時嘛愛練習，準備的過程真正有夠忝，因為我本底就無啥會曉跳舞，毋過，經過練習，沓沓仔我嘛學會曉矣，我真歡喜家己學會曉跳這兩首歌，所以練習是真重要。看著學長、學姐看著阮表演的時陣，所表現出來的熱情佮歡喜的模樣，我感覺這幾个禮拜的辛苦攏有價值矣。