close
頂禮拜我佮晏伊、祐端、唯剛抑猶有政勳
做夥去彰化去參觀十八層地獄，咱約十二點佇彰化火車站，
同齊去食北門口肉圓，嘛因為天氣實在是足熱，就去隔壁食養生冰，
前一工我佇網路頂看到的時陣，就足想欲食！
黑糖冰、綠豆、仙渣的組合食起來真爽快！
紲落來咱就出發去十八層地獄，因為是第一擺去，
所以用了淡薄時間佇找路。內面的模型看起來已經真久，
但是咱還是真頂真看頂頭的字，你做的因會得到啥物結果攏寫佇頂懸。
第四層是魔界怪譚，但是我個人感覺這个是古早的鬼屋！
參觀完欲走的時，有看到爸爸tshuā囡仔來看，
所以是真正有警世作用，這擺的彰化行，實在是足好耍。
全站熱搜
留言列表
