close
肉粽節欲到矣，阿媽開始佇咧攢料準備欲縛肉粽，會記得細漢看阿媽縛肉粽時，佇前一工伊攏先共肉粽葉洗洗—ê了後提去曝，伊共按呢才衛生清氣，了後著是炒料的部份，我已經袂記得阿媽是按怎炒的，干焦會記得阿媽佇炒料，我著佇邊仔一直食，阿媽攏笑我猶袂縛肉粽，料著攏總無矣，了後著會閣炒一盤秫米飯予我食，彼秫米飯食起來著是親像無包肉的肉粽，真正足好吃，逐擺我攏共阿媽炒的一大盤秫米飯食甲空空空，阿媽著佇邊仔縛肉粽，我捌縛過毋過實在袂看得，叫阿媽閣重縛，我繼續佇邊仔閣阿媽開講順紲食秫米飯，肉粽炊好了後，等伊涼，過一工著會使食矣，逐擺我攏會使一工食4粒肉粽，真正足好食的。
全站熱搜
留言列表
