close
這禮拜我佮同學去行九工的大甲媽，阮到大甲的時陣，一路上著一直咧落雨，到大甲的時落閣較大矣，而且阮去的時間有淡薄仔接近大甲媽欲起價的時間，所以阮攏足緊張矣，緊去買旗佮拜拜，然後著開始對人行，欲出大甲進前有一條橋，阮行到欲尾仔的時，橋頂開始放煙火，阮底咧橋的另外一邊看，真正有夠水欸。
頭一工阮半暝攏無睏，一直底咧趕路，因為會驚去乎大甲媽趕過，按呢阮著閣愛一直趕路，會閣較忝，抑無擱第二工透早阮著感覺阮已經忝矣，大家坐底咧路邊攏無想欲佮行，想欲坐車又擱等無，好咧加在尾矣有一個阿伯有等到一台車，而且彼咧阿伯著底咧阮邊仔，阮才趕緊對伊後壁上車。
一路上阮有拄到足濟人，逐家攏足熱情矣，一寡人看阮抑閣是學生，攏會主動過來佮阮講話，我感覺這九工真正乎我有足濟的感動佮回憶！
全站熱搜
留言列表
