close
頂禮拜阮出發去行大甲媽,真正是真特別的體驗,頭一工就落大雨,衫佮背包攏予淋甲澹糊糊,扛轎行甲真緊,阮若是歇睏一下,伊就真緊就超過矣,這九工,阮攏咧佮媽祖耍走相逐,路上有真濟好人,阿叔佮阿姨綴阮攏真好,看著阮行李足大包,就會甲阮鬥載行李,因為阮第一擺行九工,毋知行李愈少愈好,所以到後來阮攏行甲足忝,點心站有足濟好食的物件,有包子,粽子擱有大碗的炒麵,沿路擱有人提西瓜,水果佮飲料予阮,行了一工,阮的背包佮腹肚攏滿滿,到了欲洗身軀的時間,阮就去附近別人的兜借洗身軀間,但是逐工攏佇捌人兜洗身軀,感覺怪怪,抑是佇家己兜甲慣勢,這九工尚麻煩的是落大雨,暗時阮佇帳篷睏的時,就會滴雨入來,外口的衫嘛會淋甲澹糊糊,紮著一包澹糊糊的衫行九工真正足忝,但是為著阮重要的學分,講啥物攏會和
全站熱搜
留言列表
