總算是閣完成一件大事囉！大四送舊大成功！！！雖然大家攏對家己的表現無足滿意，毋過，學長學姊攏蓋歡喜，而且閣一直共阮說多謝，害大家攏真歹勢，毋過，煞是上甜蜜閣上溫暖的話，因為遐的話，阮的辛苦佮用心才有價值！
送舊了後大家攏忝甲袂振袂動，嘛是愛振作家己緊甲場地恢復，我真正足佮意大家作伙合作做一件代誌的感覺，因為有大家作伙出力，麻煩閣複雜的場復才會當足緊就結束矣！彼種合作無間的感覺實在是足好！阮遮的工作人員，毋知是因為一件大事總算是完成矣，抑是大家的精神攏閣蓋好，場復了竟然就按呢跳起舞囉！袂輸咧共壓力攏總釋放！彼種感覺好甲強欲飛上天囉！真正滿心感覺，來到台語系摻遐呢矣古錐的大家作伙，真正是足幸福！
全站熱搜
留言列表
