close
今仔日下暗是學校選課的大日子，坐佇咧電腦面頭前，等時間到七點半的彼一秒，就是為著欲佇咧第一時間搶到我想欲修的課，足歡喜嘛足感動的是，這應該是我頭一擺咧電腦無出狀況的情形之下，選到我欲修的課，而且佇咧等待的過程當中，誠有感觸的就是，這馬選課愛開始點「台三甲」的項目入去。
啊！已經是三年仔矣！時間真正過了誠緊，想起以前，若親像才拄考入來台中教育大學爾爾，一目nih，就已經三年仔矣，然後閣過一年就四年仔欲畢業，離開學校、離開厝，選擇欲繼續讀冊、出國抑是出來社會揣頭路，面對各種無仝款的壓力，我是毋是會使學到愈濟物件，愈來愈巧咧？
全站熱搜
留言列表
