close
連續三工的時間，我kah同學做伙參加新港奉天宮舉辦的研討會，並且發表論文，真正愛感謝培雅老師佇阮的後壁替阮巡頭看尾，才會當遮爾仔順利的完成論文；感謝新港奉天宮予阮這个機會，愛感謝的人實在是太濟矣，只好感謝天公伯有看著我的拍拚，予我會當佇大學時就有機會發表論文，實在講真正難得。
這禮拜一是五日節，阮兜是家己pa̍k肉粽，是傳統的大甲口味包蚵乾的，現在的人大部分干焦知影食，毋知後面的意思是按怎，有一個講法就是咱愛感謝屈原為真理奉獻生命，當然，是咧教咱愛飲水思源的概念。另一個講法是講五日節這工煞氣較重，所以講愛插菖蒲在大門口避邪。猶閣有對許仙、白娘子這兩个無緣份的夫妻發展出來的故事，講佇透中晝的時lim雄黃酒，遐的歹物仔就會現出原形等等的傳說。有關五日節的傳說猶閣有足濟，我感覺遮的風俗袂當無去，所以講佇咧食肉粽的仝時，嘛愛了解過節日的意義佇佗，按呢才有意義。
全站熱搜
留言列表
