頂禮拜五佮頂禮拜六是咱中教大體育系102級的體育表演會，所以體育系的一年仔到四年仔攏愛參加，in為著這个表演嘛是誠拍拚，平常時看in犧牲in下課了後，下晡、暗時歇睏的時間咧練習，確實足辛苦。今年的表演真正精彩閣好看，看著in團結做伙合作，真正使人足感動的。其實我讀一年仔的時就有看過體育表演會，毋過今年的體育表演會予我上感動，可能是有較濟熟識的學長、同學、學弟學妹嘛有參加的關係。今年兩場的表演我攏有看，毋過因為節目傷過精彩，看兩遍嘛袂厭siān。
這擺的體表誠多謝體育系四年仔學長陳宏凱的「皇冠票」，予我會當和朋友連續兩天看表演閣免排隊。伊所負責的兵乓song嘛是所有節目內面上蓋精彩的。抑有我嘛愛感謝陪我看體表的朋友，希望你嘛會佮意in的表演。總講一句，體育系的朋友，恁攏足讚，足辛苦啦!
全站熱搜
留言列表
