close
台灣史的課程中，老師放｢牽阮的手｣予阮看，佇影片內底，田媽媽是一个勇敢追求愛情的人，伊熱情的個性嘛用佇社會運動頂，伊佮田醫師為台灣付出真濟心力，怹無佮意國民黨無自由擱恐怖的統治，所以怹用怹小小的力量幫助一寡無辜的政治犯，比如陳菊女士，施明德先生，等等，毋過，鄭南榕先生自焚的悲劇擱有林義雄先生的媽媽佮查某囝的性命怹嘛是無法度挽回…，田醫師最後的人生是佇病房過完的，田媽媽講伊感覺田醫師一生攏過了真無歡喜，所以伊希望田醫師去到天頂會過甲較快樂，予我看共哭出來。雖然田醫師的一生可能過甲真辛苦，毋過會當有遮爾好的牽手而且擱會當同齊為台灣拍拚，一定是伊感覺上幸福的代誌。看著遮个社會事件，無一項是我參與過的，我感覺怹真偉大，嘛真感謝怹的拍拚，予我會當佇一个自由的台灣，平安大漢。
全站熱搜
留言列表
