close
5/21彼工暗時是唱歌比賽，我真想欲看全部人的演出，毋過因為愛練習跳舞，所以干焦欣賞著台語歌比賽的部分。咱班的瑛娟實在是真gâu，伊的歌聲一出來我著起雞母皮矣，足有感情的，唱到我的心肝頭去，雖然伊無提著第一名，毋過伊是我心內的天后。咱系的學姐攏真優秀，瓊誼學姐唱江蕙的「半醉半清醒」，我感覺對感情mài計較是一件真困難的代誌，因為人攏是貪心的。「心塊半醉半清醒，自己最明瞭。」佇愛情內面受傷，有當時講出來別人嘛無一定會了解，毋過一定愛想會開，愛對家己較好的。
怡寧學姐的歌聲實在真好聽，「梳妝台」內面有一段歌詞「一疊的舊相片，藏佇屜仔內，若無打開，阮哪會知，原來青春的愛，是遮爾精彩，就算已經過了偌濟年代。」若是mài看規條歌的意思，干焦看字面上的意思就好，會有真深的體會。這寡參加比賽的人，就算足久以後，這工的體驗、唱歌的感動，一定會予in的人生閣較精彩，當然做觀眾的阮，這工的演出對阮來講會是真美麗的回憶。
全站熱搜
留言列表
