close
我頂禮拜六佮朋友去萬代福戲院看電影，彼个電影是「大尾鱸鰻」，其實我看這部電影是免錢的，因為我的電影票是抽獎抽著的，聽講這部電影佇過年拄出來的時陣，有誠濟人去看，佇彼時陣我嘛足想欲去看，毋過，過年有真濟代誌，所以無時間去看，好佳哉有這擺的機會，所以我感覺我家己真幸運。
這部電影是本土的台語電影，主演者是逐家攏熟似的豬哥亮，所以電影內底有一寡豬哥亮方式的笑詼，可能有人會認為遮的是無好的，因為有出現一寡垃圾話，雖然我嘛感覺遮的話袂一直佇電影出現較好，毋過，這是一種電影的文化表現，咱愛好好尊重導演的想法。這部電影的劇情嘛真簡單，真緊就會當知影電影欲表達的意思，雖然劇情內底有一寡所在足譀，毋過因為按呢，遐的部分予這个電影加足濟笑詼的所在，看完這部電影予我放鬆心情誠濟，所以我感覺有時陣看笑詼的電影笑笑嘛真好。上重要的就是，逐家若有時間愛去看國片、好好支持咱家己的國片矣！
全站熱搜
留言列表
