close
時間真正過了足緊的，經過學長佮學姊的送舊活動我才體會的這个道理。學長、學姊的送舊活動予我是感動閣悲傷！想著遮爾照顧我的學長佮學姊就欲離開，目屎就是流袂停。毋過，若是想著過去這一年佮學長、學姊的快樂回憶，心情就會歡喜起來。
而且，這禮拜我閣有一个真好耍的生日。因為生日彼工拄好嘛是系排送舊的日子，所以我今年的生日真正是足鬧熱。系排內底的大家做伙替四年仔的學姊慶祝，嘛祝福學姊未來會當過了順順利利、幸福快樂。過程有快樂的、趣味的，嘛有悲傷的、予人流目屎的，遮攏是因為阮對學姊的敬重佮佩服。阮攏希望學姊會使thsuā著歡歡喜喜的心情對這間學校畢業！
全站熱搜
留言列表
