close
拜一上體育課ê時，老師設計一个活動予阮逐家會使練習拍球閣會使得著予伊請飲料ê機會，伊佇發球考試分數滿分ê所在用羽毛球排了一個塔，然後阮愛佇規定ê發球所在開始發球，若是拍著伊排ê羽毛球塔，就算阮贏矣！雖然老師因為我是體育委員有予我較濟機會，猶毋過我攏無把握著，逐擺我攏拍著羽毛球塔ê邊仔，真正真可惜！最後雖然我無趁著飲料，毋過我嘛是耍甲真歡喜嘛運動了真濟。二年級ê時陣，阮會家己選擇想欲上ê體育課，我猶閣咧想是欲繼續選羽毛球課抑是愛選佇阮班真濟人攏真有興趣ê瑜珈課。
全站熱搜
留言列表
