close
頂日仔我收著一張批，是對美國寄過來的，原本我掠做是會員廣告抑是啥物通知批，打開想袂到是我一个國中的朋友專工寫予我的批佮相片。佇讀國中的時陣阮是足好的朋友，敢若換帖的無論做啥攏愛做伙來去，我傷記得彼時阮連衫攏會使共穿，平時定定睏做伙，規暗開講講甲袂記得睏，鬥陣做了足濟代誌這馬想起嘛會笑。自從國中畢業伊就去美國讀冊，阮除了有時仔講電話佮佇網路留言毋捌閣再見面，伊佇批內底寫講伊佇遐真好，嘛交了真濟朋友，毋過伊猶是足想欲轉來台灣，這擺寫批是因為伊懷念高中阮上課傳紙條，彼種親筆寫字予對方的感覺。我這馬嘛咧寫批準備寄轉去，予伊知影我嘛直直思念伊這个朋友知己，希望伊佇美國愛保重，等伊轉來才會當佮較早仝款鬥陣四界tshit迌。
全站熱搜
留言列表
