close
這個禮拜，誠歡喜認真寫的教案有通過比賽的初賽，想當初在誠濟報告的壓力下，寫的教案原本以為無啥信心，結果老師改了講誠好，第一擺的經驗竟然有好的結果，害我有淡薄仔驚著，今仔日，為著紲落來的比賽，愛拍20分鐘的教學示範，有岱儀的幫忙，誠順利有小朋友會當作學生聽阮示範，人講：台頂一分鐘，台下十年功，作老師嘛是共款。我站佇台頂，教案寫了擱卡好，無膽kap經驗亦是無效，尤其是我的個性擱閉俗，佇台頂講話愛講乎輪轉實在是愛誠大的挑戰，和同學配合，作伙完成這擺的任務，輪著我的時陣，我負責chhōa頭唸課文，我講我唸ㄧ句，唸完ㄧ句，怹kap全部的課文攏唸完ah！後壁的情況愈來愈失去控制，尤其是遊戲這個部份，擱有小朋友leh冤家，結束了後，規個人親像沒氣的雞kui，誠忝，愛作ㄧ個老師真正無簡單，上尾，小朋友講的建議，雖然和教案無直接的關係，毋過，這擺確實是ㄧ個真難得的經驗。
全站熱搜
留言列表
