想當初汝一个人來到青分的所在讀冊，三不五時著會想厝，定定哮歸暝，咱攏會共汝講：「汝毋是一个儂，阮會一直陪伴佇汝身軀邊。想厝的時陣，就共阮當作汝的阿兄、阿姐，好boh ? 」 時間過真緊，即馬汝būe因為想厝著哮，因為汝已經大漢、變堅強矣。
棉被阿兄kah枕頭阿姐對汝的痛疼，希望汝逐工睏甲真舒適。棉被阿兄kah枕頭阿姐陪伴汝，希望汝būe覺得孤單。無論好天歹天、日時暗時；歸暝thàng天、無暝無日，阮總是希望汝溫暖。當汝心情不好的時陣，阮總會替汝拭目屎，對汝講一寡安慰的話，安tà汝的情緒；當汝thíam甲hi lè lè的時陣，阮會共汝抱tìam胸前，唱搖籃歌乎汝聽，愛汝好好歇睏。汝艱苦的時陣，阮會tīam tīam聽汝講話，希望汝會凍較快活leh，這，汝敢會記得 ?
有一擺的生日，阮閣乎汝一个surprise，用＂夢 ＂這个機器載汝到無kâng的時間、無kâng的空間四界去tshit thô、去冒險，真趣味 ! 一ê子到細漢時陣定定tsham厝邊去耍的大埕； 一ê 子到小學讀冊、走相jiok；一ê 子ham國中同學phah 籃球互相比賽；一ê子 ham高中初戀佇學校內底散步、談情說愛 ；一ê子到考大學的考場，害汝又閣緊張甲欲死；一ê子到十年後，汝已經嫁尪生kíann，作人新婦矣。
Tìam機器內底，咱同tsûe去tsioh濟tsioh濟的所在，有快樂的，嘛有傷心的；有甜蜜的，嘛有艱苦的。無論是過去、即馬抑是未來，攏充滿了tīnn-tīnn的記憶，佇大學四年伴汝做伙度過遐爾濟的日子，伴汝做伙度過遐爾濟寂寞的時陣，這攏是屬於咱三个儂的記憶，無通būe記。棉被阿兄kah枕頭阿姐，永遠攏是汝的倚靠喔!未來的日子愛幸福喔!
修辭：排比、映襯、誇飾、類疊、轉化、設問
留言列表
