close
【我佇遮，你敢知？】
一个人，我閣是一个人，啥麼時陣才有人會注意到我？啥麼時陣才有人會共我囥佇心內？這著是我的憂愁、嘛是我的悲哀。
日日夜夜，每一人位我面頭前來來去去，從來著無人會回頭看我一眼，無的確，叨一工我離開啊，嘛無人知影！我的跤手早著毋是家己的啊！
逐工予人綁佇遮，自由是什麼滋味啊？我真的毋知。我親像無魂有體的機核，逐工攏咧做共款的代誌，我毋是無思想、毋是無情緒，毋閣為著欲生存落去，我只好安呢吞忍、安呢拖磨。以早我總是認為，有一工會有人來解開我身軀頂的枷鎖，這馬我已經知影，原來一切攏是我家己天真的想法，無這工，嘛無可能有這一工的！
我知影，我只是一个予人利用的工具，別人咧爽快，我咧熱；別人咧溫暖，我咧寒。我只會當暗暗仔流目屎，流落去土跤，佇目屎底的影中，我看著家己，原來遮著是我，原來我是如此的平凡，如此的袂影頭！無怪別人安呢對待我！
日頭逐工的曝，風逐工的搧，我的皮膚一層蹓過一層，早著攏無知覺啊！對未來的期望，一工一工消退，少年時的意氣風發，到今已經平靜無痕。
我親像無頭的胡蠅，為著一切理想，撞到歸身軀全傷，到尚尾才發覺全部攏是白了工。失志的我，愈來愈無力，愈來愈退化啊！我知影，佇我生命流失去的彼一工，才會重新予人重視、予人注意，毋閣啥麼攏無法度挽回啊！
我是一个有若無的人，請你無免替我目屎流，因為我知影，這著是我的運命，我不求啥麼，我只要你回頭看我一眼著好，真的，閣一眼著好！
使用修辭：擬人、排比、感嘆、譬喻
一个人，我閣是一个人，啥麼時陣才有人會注意到我？啥麼時陣才有人會共我囥佇心內？這著是我的憂愁、嘛是我的悲哀。
日日夜夜，每一人位我面頭前來來去去，從來著無人會回頭看我一眼，無的確，叨一工我離開啊，嘛無人知影！我的跤手早著毋是家己的啊！
逐工予人綁佇遮，自由是什麼滋味啊？我真的毋知。我親像無魂有體的機核，逐工攏咧做共款的代誌，我毋是無思想、毋是無情緒，毋閣為著欲生存落去，我只好安呢吞忍、安呢拖磨。以早我總是認為，有一工會有人來解開我身軀頂的枷鎖，這馬我已經知影，原來一切攏是我家己天真的想法，無這工，嘛無可能有這一工的！
我知影，我只是一个予人利用的工具，別人咧爽快，我咧熱；別人咧溫暖，我咧寒。我只會當暗暗仔流目屎，流落去土跤，佇目屎底的影中，我看著家己，原來遮著是我，原來我是如此的平凡，如此的袂影頭！無怪別人安呢對待我！
日頭逐工的曝，風逐工的搧，我的皮膚一層蹓過一層，早著攏無知覺啊！對未來的期望，一工一工消退，少年時的意氣風發，到今已經平靜無痕。
我親像無頭的胡蠅，為著一切理想，撞到歸身軀全傷，到尚尾才發覺全部攏是白了工。失志的我，愈來愈無力，愈來愈退化啊！我知影，佇我生命流失去的彼一工，才會重新予人重視、予人注意，毋閣啥麼攏無法度挽回啊！
我是一个有若無的人，請你無免替我目屎流，因為我知影，這著是我的運命，我不求啥麼，我只要你回頭看我一眼著好，真的，閣一眼著好！
使用修辭：擬人、排比、感嘆、譬喻
全站熱搜
留言列表
