close
鄉間小路
走佇鄉間的小路，陪伴我的是你溫暖的雙手，你講這世人欲牽我的手到老….我恬恬阿無講話，心肝內是一陣感動。我尚愛倒佇你的雙跤頂，看這片無邊的天頂，藍色的天佮白色的雲是尚恩愛的戀人，青色的草佮山是尚好的朋友。你也會佇我的耳空邊阿輕聲唱一條歌曲，多少落莫佮不如意，都隨著晚風飄散，遺忘佇鄉間的小路頂，留了下的是你打不倒的志氣佮目標。
走佇鄉間的小路，孤單的時袸、思念的時袸，心頭陣陣憂悶，思念你的心肝你甘知影，欲我傷心到啥麼時袸？你的山盟佮海誓，如今好親像風中的一句話，風過，全無痕…。等待，日子茫茫阿過去，走佇咱的鄉間小路，猶原是共款的景色，只是無你的陪伴…「希望早一日你會成功返回我的身軀邊」
走佇鄉間的小路，一切攏是熟悉的氣味，因為你總算返回我身邊了，笑容寫佇面頂，唱一條愛的路上有你陪伴我，予甜蜜的心情佇晚風中輕輕阿飛揚，我問你：「你愛我有若長？」你笑笑阿講：「就親像一條小路著呢長阿，長阿看無到伊的盡頭…」，我講「總嘛有一工會到位阿！」「遐著是咱欲去的所在阿，有你，有我，這條小路我會一直牽你的手鬥陣走落去，永遠無放手。」
修辭：譬喻 轉化 設問
全站熱搜
留言列表
