天頂个路─蕭詠瀚
自真早以前，我著逐工站佇tsia，無法度，這著是我个使命。爲著愛予tsit陣囡仔有歇睏个所在，我只好橫佇歸條大馬路(車路)頂面，予囡仔行佇我个胛脊上，因為下腳个車實在真濟，速度真緊，實在真危險。我逐工看著tsit陣車來來去去，若是無我，會有偌濟囡仔受到生命危險个威脅。
著按呢，日子一工一工過去，我嘛看過袂少囡仔，逐年攏有無共款个人，以前佇tsia做學生个，現今已經是tist間學校个校長--矣。想起迄咧時陣，學生對我真好，看著大家攏咧打拚讀冊，對我嘛是真有禮貌，攏會甲我个身軀整理清氣，而且學生逐个攏真有成就，做老 師个做 老師，做教授个做教授。
時間來到今仔日，我感覺學生个生活作息親像無啥正常个款。明明已經上課摃鐘矣，哪會無啥人欲去上課？就算講有學生出來，親像無啥精神。奇怪？是發生了啥米問題？
使我傷心个代誌擱有真多，m7但看到我所愛个囡仔生活變質，真多人个生活水準是越來越害，飲料罐仔、海報、衛生紙、塑膠袋等等个垃圾攏擲佇我身軀頂；真濟囡仔可能是趕時間，連爬起我身軀頂攏無愛，就直接衝到對面，害我逐擺看到這種情形攏緊張甲大粒汗小粒汗，希望袂出啥米意外。
我个囡仔，汝甘知影我个心痛？我對汝个愛汝甘有感覺？時間咧變，汝嘛變矣，親像我無改變，我真希望會得通轉去卡早个時陣。因為，我看著汝个成長著是我个榮幸。我个付出、我个心血嘛攏有價值矣。
使用的修辭：摹寫(視覺)、轉化、誇飾、借代、映襯、呼告
留言列表
