close
惦惦仔徛佇遮,一冬閣一冬,逐工位我身邊行過的人來來去去,煞無人為我停過。身軀邊的花,陪我笑、陪我媠、陪我落,親像流水的歲月佇我身上嘛看的到,àⁿ頭看,我的面貌攏袂改變,永遠是按呢白泡泡閣滑溜溜,予人想欲加摸幾下;我圓-kùn-kùn的身材,永遠是按呢古錐閣得人疼,予人想欲加摸幾下。
問我,敢有想過欲行出這个圓箍仔,來看這个世界?我講,「我捌流浪過,只有遮是我留戀的所在」、「世間的人來來去去,毋干礁想欲揣一个會當倚靠閣完整的家?毎擺个離開,攏是為著欲轉去。」所以我甘願留佇遮,受著日頭曝、雨來lâm,遮才是我的幸福。
暗暝來矣,一pha閣一pha的燈火漸漸仔光,亻因就好比古錐的火金姑,閃閃爍爍,se̍h來se̍h去,se̍h佇我的身軀邊,想欲聽我講話,聽我講東講西,聽我講真濟好聽的故事,我就佮電台的主持人仝款,連塗跤嘛會惦惦仔做我的聽眾,「卡細聲ê!有兩个人經過。」、「亻因毋知是毋是嘛咧講咱?」、「he是當然的,逐年校慶,我攏會特別梳妝打扮,逐家攏會tsiⁿ欲佮我翕相!」、「毋知等逐家離開這个所在,是毋是閣會想起我?」若是你,你會一直共我囥佇你的心中,因為記tiâu我的媠,你才會想著人生的圓滿!
修辭:設問、摹寫、譬喻、類疊、排比、鑲嵌、頂真
全站熱搜
留言列表