close
惦惦仔，我已經佇遮徛了幾啊个春夏秋冬，上予我感動的，是一對少年的情人。
In是共班的同學，查某囡仔不但儂媠又擱巧，查埔囡仔一gib這个班，就愛著伊啊。毋過，伊是一个真平凡个查埔囡仔，查某囡仔並看伊無上目。
一開始，hit个查埔囡仔攏徛佇我的跤邊，等待欲去上課的查某囡仔經過，伊攏會幫查某囡仔準備好早頓，因為伊知影查某囡仔真認真，攏足宴睏，早時總是差一點仔就遲到，也無時間時早頓，所以伊就逐工幫查某囡仔買早頓。
佇我的葉仔開始轉黃的hit个秋天的下晡，查某囡仔共社團的學長就向伊說明追求的心意，查某囡仔也答應啊。我將落葉灑佇in的身軀頂——遐就是我傷心的目屎。
自hit工開始，查某囡仔逐日攏佮學長逗陣去上課，無擱理睬hit个猶原等佇我跤邊的查埔囡仔。
秋去春來，有一个落著大雨的暗暝，佇學長佮查某囡仔作夥的所在，in分開啊。
查某囡仔足傷心个，伊親目瞅看著遠遠的所在，擱有另外一個儂theh著雨傘塊等學長。
這時陣，查埔囡仔拄好欲轉去宿舍，經過我佮查某囡仔的面頭前，看到查某囡仔的狼狽款，伊三步併作兩步的走過來，共伊身軀頂的外套teh予查某囡仔。
查某囡仔熊熊舉頭，發現是hit个伊一直無想欲睬的查埔囡仔，感覺足見笑个，目屎忍不住一直滴落來。
經過這麼多代誌，查埔囡仔猶原毋捌改變伊的心意，願意接受回心轉意的查某囡仔。
佇現代社會，外濟儂因為愛未著，就傷害對方，像查埔囡仔共款有風度的儂真少啊！會當活咧，看到人生上美好的一面，就是我上幸福的代誌。
使用修辭：擬人、摹寫、誇飾
全站熱搜
留言列表
