『今仔日,你的跤步真沉重,心情無好?』
『我…也毋知!』
『今仔日,你的目睭真紅,真腫,心情真歹?』
『我…毋知!』
今仔日,你…無閣出現阿!
我問你的問題,也無人來回答阿...
會記咧四年前,我第一擺看著你,你是一个真特別的查某,滿面攏是笑容,一路na跳 na 笑,歸个人真有活力、真水。迄時的我,逐工攏期待你的出現,
逐工期待你會使注意著我,期待著你對我笑一下,期待你會使踮卡久咧,我毋知迄種期待的感覺,就是戀愛的感覺。
『你…好!』我提出上大的勇氣,tshih-tshih-tshuh-tshuh 向伊問好。
『阿!你好!』伊咁若予我驚著,面看起來真驚惶,毋閣,馬上閣予我ㄧ个真大、真水的笑容。
經過迄ㄧ工,我主動向伊扑招呼了後,阮的關係有真大的改變。以前伊會用真緊的跤步,行離開我,毋閣,即馬,伊總是會將跤步放予慢,慢慢仔行,tau tau仔向我講心情,就按呢阮的關係,變共真好。
『你咁知,我最近真無閒,逐工攏愛趕報告、趕上課、趕扑工、趕社團,一直一直佮時間咧比賽,有夠thiam2。』
『你愛加油!大學生活會使真多采,嘛會使真無聊,看你如何選擇!』
『我知啦!只是,真正足thiam2!』伊坐踮我身軀頂佮我講話,用迄種輕鬆的表情,講著輕鬆的對話,是我ㄧ工內上享受的時陣。
按呢美好的關係,一直到了三個外月前有了變化…
『你最近咧無閒啥麼?為啥麼我攏愛隔迄儕工才會看著你?』我問。
『無啦!』伊看起來真無精神,干若有啥麼代誌。
『你…有代誌無向我坦白嗎?』看著伊面憂憂,我真煩惱。
『我…他…』
『你欲講啥?』
『伊真緣投,人嘛真優秀,對我閣真好,我想欲佮伊行看麥!你感覺按怎?』伊真歹勢向 我講出伊有尬意的人。
『拜託你!迄種人你也會尬意!你到底想啥?會尬意迄種查甫,我想嘛你毋是啥麼好查某!』我知我講甲真歹聽,毋過我著是真生氣。是見笑轉生氣?抑是啥麼感覺我也無清楚,我咁若知,我聽著遮个消息,我心內真毋是滋味。
『你是歹啥?我只是…只是…問你的意思阿!我將你當作朋友,才向你講我的心事,你無想欲聽就煞,你何必講迄種話?』伊真生氣,話講了,斡頭著走。
『你…你咁毋知,我嘛真尬意你?雖然我知咱永遠攏無可能,毋過,想著你心內有人比我卡重要,我著真艱苦!』
迄工了後,你就真少出現,若是有出現,嘛是目頭結結,面憂憂,無向我講ㄧ句話,就來離開。
ㄧ工ㄧ工按呢過,你的模樣嘛ㄧ工ㄧ工咧變,笑容愈來愈少,目頭愈結愈,我想欲開喙問你,毋過,因為賭氣我無向你講出半句話,咱著按呢抱著遺憾來分別阿!
你迄日佇我身軀下跤,佮ㄧ台超速的車相撞,你恬恬仔躺踮土跤,我恬恬仔看著你血慢慢仔流,面慢慢仔白,我目屎滴未停,我無力替你做啥麼,你用真大的力將目睭擘開,向我講:
『歹勢,迄時我無聽你的建議,予自己為著一段無適合的感情來受傷,又失去你這咧朋友,我真傻…』伊的血流甲真驚人,伊的話予我的心真疼。
救護車來阿,上車晉前,伊予我ㄧ个上水、上大的笑容,迄工了後,伊就無再出現阿,我的笑容嘛無閣再出現阿…
留言列表