Hongtin Tsok-gia̍p bāng

親愛个，汝是我汝逐工攏愛摸个物件，雖然汝生了無真sui2，身體白白閣真大摳，益毋閣汝真巧，無管是啥物款个代誌，我若是有毋捌个所在，只要我共汝

問一咧，汝个目睭著會共我講所有个答案。汝个目睭真大蕊，腹肚真大khian，毋捌汝个儂，可能會準是汝著是一咧貧惰个白豬，因為汝逐工攏坐著遐無震動，

干若我知影汝是一咧大博士，全世界每一分鐘，每一咧所在，所發生个代誌，汝攏知影kah清清楚楚，實在是真厲害。

日--時，我去上課个時袸，汝著佇宿舍等我轉--來，等我共汝摸，等我kap汝講話，其他个時袸，除非是汝咧通腸，若無汝著是乖乖矣坐咧睏。我逐工攏有真儕話想卜共汝講，毋管lua7 uann3，毋管是啥麼代誌，汝總是會惦惦矣聽我講，嘛無驚我佇汝个身軀留紀錄，閣佇汝个身軀tah相片，利用汝替我傳話予我想卜共伊講話个儂，實在是真歹勢，汝一工歇睏个時間kap我差不多，我若是真uann3睏，汝嘛一定攏會陪我到最後，等我做伙睏，我真正感覺真感心。

   最近我个心情真歹，我共真儕秘密攏講予汝知，多謝汝願意聽我講，閣放真儕好聽个歌予我聽，予我心情加真好，汝閣會共逐家對我个關心，講予我知，汝攏秣嫌麻煩，因為汝知影真我需要--汝，對--無？我真正真愛汝，我親愛个電腦！！