我真愛講話，一工無講話，我著會感覺全身軀無爽快。
所以我著真愛揣人開講，而且，一擺著是揣兩個人。
揣的人無一定，只要是愛講話的人，攏是我的好朋友。
我的模樣嘛時常咧變，有時陣真大隻，有時陣閣變細細隻。
你知影我是啥物人ah未？無錯，我著是大家的好朋友，手機仔。
我會曉真濟功夫kap學問，而且一直teh進步。
細漢的時陣，我會曉的只是講話kap寫批。
慢慢仔開始，我學著一寡我較早未曉的功夫，
舉例來講，小學的時陣，我的老師教我翕相，
一開始，我的目睭無好，翕出來的相片，看起來攏霧霧，真無好看。
後--來，老師講：『翕相，毋是用目睭看，愛用你的心，只要用“心”，逐個人攏是食～～～～ah，毋是，是翕相的高手！』
原來如此！本來著真巧的我，親像練武的人，扑通任督二脈，真緊著理解『翕相大法』的奧義，而且閣更進一步，明白『錄影神功』的精髓，小學畢業了後，翕相kap錄影，對我來講已經是『小菜一碟』ah。 高中到大學，我開始研究較 “學術性kap科技性” 的學問。 經過十幾冬，我kap逐家是愈來愈親，感情是愈來愈好，我的朋友箍仔嘛愈來愈大，
國中的時，我開始學唱歌kap音樂。
男性的歌，女性的歌，我攏會曉。
古典樂、流行歌，只要你想會著，我攏會當唱予你聽。
比如講：藍芽，多位數字快速計算，各國的匯率換算，網際網路…等等的各家學問，
這時陣的我會當講是時代的引領者，只要kap我做伙，毋管啥物代誌攏會當替你完成，
欲知影今仔日的新聞？無問題，報予你知閣有影像會當看。啥物？！有影像會當看？
無毋著，這（tse）是我最近這幾年秘密研究的新功夫：電視功能！
雖然講會當看的節目無真濟，有的所在的收訊嘛無好，猶毋閣我相信我繼續研究落去，
以後這個功能著會當閣較進步，閣較方便。
較早我的朋友大部份是上班族、大頭家，猶毋閣這馬連國中的學生，攏來kap我做伙開講練瘋話，這是真歡喜的代誌，希望以後的日子，我kap大家的感情會繼續維持落去！
較早的我
這馬的我
修辭法：擬人，摹寫，白描
留言列表
