佇台中教育大學ê學校內底，流傳著一件誠少人知影ê傳說故事，因為tsit ê傳說故事一直sī所有歷任校長ê禁忌，若sī有人敢講出去，伊著會乎辭頭路抑是乎校長退學。所以，tsū台中教育大學辦學開始，著足少人聽說件代誌。hit ê傳說sī按呢講的:
佇學校內底，咱會使定定看tio̍h有一種神祕ê鳥仔，tsit種鳥仔飛būe遠mā跳būe峘，伊時常出現佇學校內，不時giâ頭看tsit片校園，干若咧想啥mih代誌共款。
其實，tsit tsià鳥仔著sī咱台中教育大學尚頭一任ê校長，換tsit句話來講，著sī台中教育大學ê開創者。
tsit ê 校長ê名號做阿源，伊sī一ê讀足濟冊ê人。有一擺，伊來到台中tsit塊所在，看tioh環境誠舒適，著想beh辦一間學校。伊逐工打拼做工來tsông建學校ê錢，足無簡單，靠著阿源打拼ka̍p村內人ê幫贊，台中教育大學ê前身才總算建乎好。雖然，學校誠簡陋，毋閣，佇tsia有足濟有才調先生ka̍p用功學生。
靠著阿源ê雙手打拼，台中教育大學一點一滴ùi一片荒土變做有花有樹仔親像ê美麗桃花源。
迄當準ê台中教育大學，會凍講是「頂港有名聲，下港有出名」，伊sī所有台灣讀冊人頭一ê志願，大家拼死拼活mā 欲入去ê所在。
面對tist 種情形，乎村內一ê好額人看著誠毋是滋味，伊想欲得著tsit間學校來發展伊ê事業。所以，伊用錢買通學校內底ê老師、校工，打算欲來陷害阿源。伊叫校工偷偷佇阿源杯ê仔內囥毒藥，若是阿源lim這杯有毒ê水tioh 會hōo毒死，an ne好額人著會使做校長啊。
後來，阿源誠正乎毒死啊，村內底ê人攏感覺誠毋甘，逐ê人攏為阿源來抱不平，in逐工攏咧ùi阿源哭，著按呢，日抑哭、暝抑哭，村民ê目屎濟kah變做洪水，kā台中教育大學淹歹去，天頂ê神明看著這種情形，著命令天兵天將下凡，kā迄ê好額人掠到天庭來審問，迄ê好額人看tioh天兵天將來掠伊，早tioh驚kah兩腿一伸，一命嗚呼啊！
天頂ê神明經過一年一擺ê神明大會開會了後，決定kā阿源ê魂魄úi地獄領出來。神明kā阿源講：「因為人死不復生，所以汝būe凍閣做人，毋閣，待念汝生前作好代誌，tioh kā汝變做鳥仔，干若會凍叫，būe凍講話，而且，飛būe遠mā跳būe峘，生生世世來守護這間學校。」
阿源聽tioh誠歡喜，伊心內想：「雖然būe凍做人，毋閣，做鳥仔mā會使，按呢，tioh會凍守護這間學校，而且，閣會凍看tioh學生用功ê情形啊！」自從阿源變做鳥仔，伊tioh定定在校園內底巡視，看老師ka̍p學生有用功抑無，若是無用功，伊就會跑到身軀邊徘徊，一直到用功為止。所以，若是咱後擺看到這隻鳥仔，就愛反省家治是毋是有用功？若是無用功，就愛好好努力打拼啊！tse tioh sī 台中教育大學būe凍講ê秘密，因為，保護這ê秘密，sī歷年校長ê責任，只要校長敢講出去，天頂ê神明甲處罰! 修辭: 排比.類疊.誇飾.引用
留言列表
