NTCTC
我總是惦惦佇遐，無佮人相爭，無一句怨言，對逐家來講，我毋是蓋重要，但是我從來毋捌看輕家己，因為我身上有真重要的涵義，我代表的是這間學校，我會使予人一看著知影，伊今嘛是佇佗叼位。
我上無佮意大日頭，因為伊總是佮我曝甲頭昏昏腦鈍鈍，從來無人想過講攑傘幫我遮日頭，害我的面予日頭曝甲攏是斑。我上佮意落雨天，拄拄仔好幫我洗面，平常時逐家佇我的面踏來踏去，害我規面的鞋印，人我嘛想欲逐工嫷嫷甲逐家見面。我上驚風飛沙，因為彼沙飛入去我的目睭，我是欲按怎，目睭是酸佮澀，阿無人幫我甲目睭歕歕咧。
有時陣，我感覺足榮幸，因為佇欲畢業的季節，足濟學生攏佮意來甲我翕相，因為我是這間學校的象徵，我印象中有一班真古錐，逐家身上攏有台灣紅的布料，手閣提布袋戲尪仔，我聽到有人講，這是in的特色。
現在，我已經毋是叫NTCTC矣，因為社會的趨勢，使得我著愛來改變，頭先，我嘛是萬般的無願意，但是為著你我的未來，為著你我予你有閣較好的環境，就算愛改變我的名，隴是價值的。
日子是一工一工過，人是來來去去，毋過，袂要緊，我會永遠佇遮守護著這間學校，日後，恁哪是返來，看到我，可能會變閣較老，閣較bái
，但是我的心袂變，永遠親像春天的花，遐爾青春美麗，甲恁徛相倚，予恁袂孤單。
恁就親像我的囝，對恁頭一工入來，看恁漸漸大漢捌代誌，如今恁欲離開，心裡就算是毋甘，也是愛含著目屎送恁離開，為來的路艱苦歹行，毋過，我對恁信心滿滿，我相信我的囝是上讚的，絕對袂予我失望。
我親愛的囡仔！恁一定愛加油，趁著少年，衝！衝！衝！
修辭：轉化、譬喻、感嘆、誇飾
留言列表
